Last Modified: February 29 2012 15:06:21.
ശബരിഗിരീശാ ശ്രീമണികണ്ഠാ
ശരണം താവകചരണം
ശരണംവിളിയുമായ് മലകയറുമീ
അഗതികള്‍ക്കഭയം നീയേ
അയ്യപ്പാ സ്വാമീ അയ്യപ്പാ
അയ്യപ്പാ ശരണം അയ്യപ്പാ

മണ്ഡലവൃതവുമായ് ഇരുമുടിക്കെട്ടുമായ്
അമ്പലനട തേടി വരുമ്പോള്‍
കല്ലുകളെല്ലാം പൊന്നാക്കി - നീ
മുള്ളുകളെല്ലാം മലരാക്കി
എരുമേലിപ്പേട്ട ശരണം‌പൊന്നയ്യപ്പാ
വാവരുസ്വാമി ശരണം‌പൊന്നയ്യപ്പാ
കല്ലിടുംകുന്നേ ശരണം‌പൊന്നയ്യപ്പാ
കരിമലകേറ്റം ശരണം‌പൊന്നയ്യപ്പാ

(ശബരിഗിരീശാ)

നെഞ്ചിലെ തുടികൊട്ടി നെയ്യിലെന്നഴല്‍‌മുക്കി
കര്‍പ്പൂരമണമേറ്റു വരുമ്പോള്‍
അഭിഷേകങ്ങള്‍ കൊള്ളേണം - ഈ
അല്ലലിന്‍ ഭാരം തീര്‍ക്കേണം
പമ്പാസ്നാനം ശരണം‌പൊന്നയ്യപ്പാ
ശരം‌കുത്തിയാലേ ശരണം‌പൊന്നയ്യപ്പാ
പതിനെട്ടാംപടിയേ ശരണം‌പൊന്നയ്യപ്പാ
മകരവിളക്കേ ശരണം‌പൊന്നയ്യപ്പാ

(ശബരിഗിരീശാ)