Last Modified: February 29 2012 15:06:29.
 
ഇളം പെണ്ണിൽ രാഗോല്ലാസം
ഇടനെഞ്ചിൽ മോഹജാലം
ഇനിച്ചീടുമേതോ നാണം
ഇലത്താളമേറും ഈണം
ഹൃദയം കവരും അനുപമ കവിതേ
(ഇളം പെണ്ണിൽ രാഗോല്ലാസം..)

ജയദേവ ഗീതമായി രവിവർമ്മ ചിത്രമായീ
ആ..ആ.ആ
ജയദേവ ഗീതമായി രവിവർമ്മ ചിത്രമായീ
വിടരുമീയഴകിൽ ഉപമകളിനിയെവിടെ
കാവ്യഭാവനകൾ മുള പൊട്ടി ഇതളണിയും (2)
അരികിൽ തെളിയും മഴവിൽ കൊടിയേ
(ഇളം പെണ്ണിൽ രാഗോല്ലാസം..)

മകരന്ദ ചാർ നിറച്ച് തളിർ മേനി തീർത്തതാണോ (2)
ഉടലിനീ വടിവിലടിമുടി നവപുളകം
പാദ താമരകൾ ചിലമ്പിട്ട് നടനമാടും (2)
കരളിൽ ഒഴുകും മധുരസകണികേ
(ഇളം പെണ്ണിൽ രാഗോല്ലാസം..)