Last Modified: February 29 2012 15:06:48.
ഒന്നാനാം മല
മാമരക്കൊമ്പിലൊരായില്യംകിളിക്കൂട്
കൂട്ടിനിളംകിളിയേ താമരപ്പൈങ്കിളിയേ
കൂടെ വാ പാടി വാ കുമ്മിയാടി വാ

(ഒന്നാനാം)

ചിത്തിരപ്പൂമഴക്കാലം ചക്കരമാമ്പഴക്കാലം
കുന്നത്തെക്കാവിലെ അണ്ണാറക്കണ്ണനെ തേടിനടന്നൊരു കാലം
അതുവഴിയേ വീശിയ കാറ്റിന്‍ കഥ പറയാന്‍ വന്നൊരു കിളിയേ
മുന്തിരി പൊഴിയും പുഞ്ചിരിമഴയില്‍ നനയും കിളിയേ
കൂടെ വാ... പാടി വാ... കുമ്മിയാടി വാ...

(ഒന്നാനാം)

മുത്തോടു തൂമുത്തു കോര്‍ത്തും മൂവന്തിപ്പെണ്ണിനെയോര്‍ത്തും
മുല്ലപ്പൂങ്കാട്ടിലെ മുന്നാഴിപ്പൂമണം മുത്തിനടന്നൊരു കാലം
കടമിഴിയില്‍ കണ്മഷിയെഴുതി കവിളുകളില്‍ കന്മദമെഴുതി
യൗവ്വനമിതിലെ സുന്ദരി ചമയും സമയം കിളിയേ
കൂടെ വാ... പാടി വാ... കുമ്മിയാടി വാ...

(ഒന്നാനാം)