Last Modified: February 29 2012 15:06:51.



എൻ അന്തരംഗത്തിൻ നീരദവാടിയിൽ
ഇന്ദ്രധനുസ്സായ് വിടർന്നവൾ നീ
എൻ രാഗ ചിന്ത തൻ അഞ്ജനപ്പൊയ്കയിൽ
നാളീകമായ് വിരിഞ്ഞവൾ നീ
(എൻ അന്തരംഗത്തിൻ...)

ശ്യാമമേഘങ്ങൾ തൻ ചാമരം വാങ്ങിയ
കാനനച്ഛായയിലൂടെ (2)
മോഹങ്ങളോ മയില്പീലിയുമായ് വന്നൂ
ഞാനെന്റെ പ്രാണനെ കാത്തു നില്പൂ
ഞാനെന്റെ പ്രാണനെ കാത്തു നില്പൂ
(എൻ അന്തരംഗത്തിൻ...)


കർണ്ണികാരങ്ങൾ തൻ പൊൻകുട ചൂടിയ
ഹരിത തടങ്ങളിലൂടെ (2)
ബാല്യസ്മരണ തൻ രോമാഞ്ചമായ് വന്നു
ഞാനെന്റെ ദേവിയെ നോക്കി നില്പൂ
ഞാനെന്റെ ദേവിയെ നോക്കി നില്പൂ

എൻ അന്തരംഗത്തിൻ നീരദവാടിയിൽ
ഇന്ദ്രധനുസ്സിൻ നിറലയങ്ങൾ
എൻ രാഗ ചിന്ത തൻ അഞ്ജനപ്പൊയ്കയിൽ
നാളീകമായ് വിരിഞ്ഞവൾ നീ
എൻ അന്തരംഗത്തിൻ നീരദവാടിയിൽ
ഇന്ദ്രധനുസ്സിൻ നിറലയങ്ങൾ