രാഗാര്‍ദ്ര ഹംസങ്ങളാം (ചോരക്കു ചോര )
This page was generated on March 29, 2024, 7:32 am UTC
വിശദവിവരങ്ങള്‍
വര്‍ഷം 1985
സംഗീതംഗുണ സിംഗ്
ഗാനരചനപൂവച്ചല്‍ ഖാദര്‍
ഗായകര്‍പി ജയചന്ദ്രൻ ,എൻ ലതിക
രാഗംലഭ്യമല്ല
അഭിനേതാക്കള്‍രതീഷ് ,അനുരാധ
ഗാനത്തിന്റെ വരികള്‍
Last Modified: February 29 2012 15:07:04.

രാഗാര്‍ദ്രഹംസങ്ങളായ് നീന്തുന്ന മേഘങ്ങളേ
ഹേമാംഗരാഗങ്ങളാം പൂം‌പീലി നീര്‍ത്തു വിണ്ണിന്‍ മാറില്‍
രോമാഞ്ചഹര്‍ഷങ്ങളായ് ആടുന്ന ദാഹങ്ങളെ
സ്നേഹാര്‍ദ്ര പുഷ്പങ്ങളാല്‍ തേന്‍‌കൂടു കൂട്ടു എന്നില്‍ നീയും

ലലലലാ.........
താരുണ്യ സ്വപ്നങ്ങളായ് കരളില്‍ ഇതളില്‍ ചൊരിയൂ രാഗാമൃതം
ആകാശരത്നങ്ങളേ ലാവണ്യപുഷ്പങ്ങളേ
രാവിന്റെ നാലാം യാമങ്ങള്‍ തോറും പൂമെയ്യിലമ്പെറിയൂ
നിങ്ങള്‍ പൊന്‍‌തൂവലമ്പെറിയൂ
നാദം തൂകുന്ന രാവിന്‍ കുളിര്‍ താലം ചൂടുന്ന യാമങ്ങളില്‍
സ്വര്‍ഗ്ഗ ഗാനങ്ങള്‍ തന്‍ സ്വപ്നതീരങ്ങളില്‍
നീയും ഞാനും പടരും

ശൃംഗാരക്കുമ്പിളുമായ് അരികില്‍ അണയു
പകരൂ മോഹാലസ്യം നീ
ലാലാലാ....
ആവേശപ്പക്ഷികളേ ആഹ്ലാദ മുല്ലകളേ
ശ്രാവണരാവിന്‍ ചില്ലയില്‍ പൂക്കും
കാറ്റിന്റെ കുളിരേകൂ
നിങ്ങള്‍ കാവല്‍ മാടം തുറക്കൂ
ആറ്റുതീരങ്ങള്‍ തോറും നിഴല്‍ കൂട്ടുകൂടുന്ന യാമങ്ങളില്‍
പുഷ്പബാണങ്ങള്‍ തന്‍ നവ്യതാളങ്ങളില്‍
നീയും ഞാനും അലിയും




malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts