Last Modified: February 29 2012 15:08:04.
 
തീരം തേടി ഓളം പാടി മെല്ലെ
ഏതോ രാഗം തെന്നൽ മൂളി മെല്ലെ
വെറുതെയെന്തിനീ മിഴികളീറനായ്
(തീരം തേടി...)

മിഴിദീപമിതാ തിരി നീട്ടുകയായ്
വിരിമാറിതിൽ ഞാൻ ഇനി വീണലിയാം
സ്വപ്നം കൊണ്ടെൻ കണ്ണീർപ്പൂവിൽ ചേർത്തു തേൻതുള്ളി
ചുണ്ടും ചുണ്ടും ചേരാൻ വെമ്പി താനേ പിൻമാറി
അറിയാതൊരു ലഹരി വഴിയുന്നു നെഞ്ചിൽ
(തീരം തേടി...)

ഇമ പൂട്ടുകയായ് പകലിൻ നയനം
അരുണാംശുവിതാ തഴുകീ ഭുവനം
കണ്ണും കണ്ണും നെഞ്ചും നെഞ്ചും കൂടി ചാഞ്ചാടി
നീയും ഞാനും താരും വാനും ദാഹം കൈമാറി
അറിയാതൊരു ലഹരി വഴിയുന്നു നെഞ്ചിൽ
(തീരം തേടി...)