സമയമായില്ലപോലും (കരുണ )
This page was generated on June 21, 2024, 10:19 am UTC
വിശദവിവരങ്ങള്‍
വര്‍ഷം 1966
സംഗീതംജി ദേവരാജന്‍
ഗാനരചനഓ എന്‍ വി കുറുപ്പ്
ഗായകര്‍പി സുശീല
രാഗംബീംപ്ലാസ്
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: February 29 2012 14:36:36.

എന്തായി സ്വാമിനി?

സമയമായില്ല പോലും സമയമായില്ല പോലും
ക്ഷമയെന്റെ ഹൃദയത്തില്‍ ഒഴിഞ്ഞു തോഴീ
സമയമായില്ല പോലും സമയമായില്ല പോലും
ക്ഷമയെന്റെ ഹൃദയത്തില്‍ ഒഴിഞ്ഞു തോഴീ

ഒരിക്കലും വരില്ലെന്നു പറഞ്ഞില്ലല്ലോ എന്നാല്‍
ഒരിക്കലും വരുന്നതിന്നൊരുക്കമില്ലേ?
അനുരാഗപരീക്ഷയോ പരിഹാസമോ
എന്റെ അനുരാഗം ദേവനിന്നും അറിഞ്ഞില്ലെന്നോ?
എല്ലാം പറഞ്ഞില്ലെ നീ?
(സമയമായില്ല.....)

മധുവുണ്ടുമതിവന്ന ശലഭമുണ്ടോ പുത്തന്‍
മധുകണ്ടാല്‍ കൊതിക്കാത്ത ഹൃദയമുണ്ടോ?
ഒരുകോടി വരാഹന്‍ ഇടം നില്‍ക്കില്ല ഒന്നാ
വിരിമാറില്‍ തലചായ്ക്കാന്‍ കൊതിച്ചു പോയ് ഞാന്‍
തോഴീ കൊതിച്ചു പോയ് ഞാന്‍
(സമയമായില്ല........)

മലരമ്പന്‍ മാമുനിയായ് നടിയ്ക്കയാണോ എന്റെ
മനസ്സുകൊണ്ടെത്ര കാലം കളിപ്പന്താടും?
മധുമാസപാനപാത്രം ഒഴിയും മുന്‍പേ എന്റെ
മണിയറയില്‍ എന്‍ നാഥന്‍ വരികയില്ലേ
തോഴീ വരികയില്ലേ?
(സമയമായില്ല ...)




malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts