പൂവിട്ടു പൂവിട്ടു പൂവിട്ടു നില്‍ക്കുന്നു (തിലോത്തമാ)
This page was generated on June 22, 2024, 3:08 pm UTC
വിശദവിവരങ്ങള്‍
വര്‍ഷം 1966
സംഗീതംജി ദേവരാജന്‍
ഗാനരചനവയലാര്‍ രാമവര്‍മ്മ
ഗായകര്‍പി സുശീല
രാഗംആനന്ദഭൈരവി
അഭിനേതാക്കള്‍പ്രേം നസീര്‍ ,കെ ആർ വിജയ ,എസ് പി പിള്ള ,അടൂര്‍ ഭാസി
ഗാനത്തിന്റെ വരികള്‍
Last Modified: February 29 2012 14:36:38.
പൂവിട്ടു പൂവിട്ടു പൂവിട്ടുനില്‍ക്കുന്നു
പൂത്തിരുവാതിര രാത്രി
പൊന്നമ്പിളിക്കല ചൂടുന്ന ദേവനെ
പൂമാലചാര്‍ത്തിച്ച രാത്രി ശൈലജ
പൂമാലചാര്‍ത്തിച്ച രാത്രി
പൂവിട്ടു പൂവിട്ടു......

ശൈലേശ്വരനെ പ്രദക്ഷിണം വയ്ക്കുന്ന
സ്വര്‍ണ്ണരേഖാനദി പോലെ
കൈലാസനാഥന്റെ കാഞ്ചനശ്രീകോവില്‍
കാണാന്‍ വന്നതാണീ രാത്രി ദേവി
കാണാന്‍ വന്നതാണീ രാത്രി
പൂവിട്ടു പൂവിട്ടു......

പ്രാണേശ്വരന്റെ ശിരസ്സിലണിയിക്കാന്‍
പാതിരാപ്പൂക്കളുമായി
നാലമ്പലത്തിന്റെ മുറ്റത്തു പാര്‍വതി
നാണിച്ചുനിന്നതാണീ രാത്രി ദേവി
നാണിച്ചുനിന്നതാണീ രാത്രി
പൂവിട്ടു പൂവിട്ടു......


malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts