വിശദവിവരങ്ങള് | |
വര്ഷം | 1984 |
സംഗീതം | ആലപ്പി രംഗനാഥ് |
ഗാനരചന | മധു ആലപ്പുഴ |
ഗായകര് | കെ ജെ യേശുദാസ് ,കോറസ് |
രാഗം | സിന്ധു ഭൈരവി |
അഭിനേതാക്കള് | ബാലചന്ദ്ര മേനോന് |
ഗാനത്തിന്റെ വരികള് | |
Last Modified: January 04 2023 18:50:05.
ഓ ...ഓ ...ഓ ... തെയ്യാരെ..തെയ്യാരെ..തെയ്യാരെ ധിം ധിമി ധിമി ധിം ധിമി ധിമി തെയ്യാരെ .. ധിംധിമി ധിംധിമി ധിംധിമി ധിംധിമി തെയ്യാരെ.. ശാലീനസൗന്ദര്യമേ കരളില്പ്പതിഞ്ഞു കിടക്കുമേ മായാതെ കറയറ്റ ചാരുതയെന്നുമെന്നും ആ ശാലീനസൗന്ദര്യമേ..... കറുകവരമ്പിട്ട വയലിന്റെ നടുവിലു കുളിരുമുളച്ച മാടങ്ങളുണ്ട് പുഴനീന്തിപ്പൂങ്കുന്നു ചുറ്റുന്ന കാറ്റിന്റെ കരതാരില് കസ്തൂരിഗന്ധമുണ്ട് കരളില് പതിഞ്ഞു കിടക്കുമോ മായാതെ കറയറ്റ ചാരുതയെന്നുമെന്നും ആ ശാലീന സൗന്ദര്യമേ..... പുലരിതന് വെണ്മകള് കൈനീട്ടി വാങ്ങിയ പരിശുദ്ധിതൂകുന്ന പള്ളിതന്നില് പഴമതന് ശുദ്ധിയും ശക്തിയും പേറുമാ പരദേവ്വത തന്റെ കാവിനുള്ളില് തൊഴുതുനിന്നീടും പ്രശാന്തമുഖങ്ങള് തന് തുടിയിടും തൂമയെഴും മനസ്സും കരളില് പതിഞ്ഞു കിടക്കുമോ മായാതെ കറയറ്റ ചാരുതയെന്നുമെന്നും ആ ശാലീന സൗന്ദര്യമേ..... മഴയത്തു മടവീണു നീരൊഴുകീടുമ്പോള് വരമ്പത്തിരുന്നു മതി മറന്നു ഉളിപോലെ പായുന്ന കുറുവാപ്പരലിനെ തുണികൊണ്ടു കോരും കിടാങ്ങളേയും കരളില്പ്പതിഞ്ഞു കിടക്കുമോ മായാതെ കുളിര് കോരും ആ ഹൃദ്യ രംഗമെന്നും കരളില് പതിഞ്ഞു കിടക്കുമോ മായാതെ കറയറ്റ ചാരുതയെന്നുമെന്നും ആ ശാലീന സൗന്ദര്യമേ..... ഓ ...ഓ ...ഓ ... തെയ്യാരെ..തെയ്യാരെ..തെയ്യാരെ ധിം ധിമി ധിമി ധിം ധിമി ധിമി തെയ്യാരെ .. ധിംധിമി ധിംധിമി ധിംധിമി ധിംധിമി തെയ്യാരെ.. ഓ ..ഓ ...ഓ ... |