വാണീ വരവാണീ (ശീലാവതി)
This page was generated on April 19, 2024, 9:28 am UTC
വിശദവിവരങ്ങള്‍
വര്‍ഷം 1967
സംഗീതംജി ദേവരാജന്‍
ഗാനരചനപി ഭാസ്കരന്‍
ഗായകര്‍കെ ജെ യേശുദാസ് ,പി ബി ശ്രീനിവാസ്
രാഗംലഭ്യമല്ല
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: February 29 2012 14:36:48.
വാണീ വരവാണീ
മണിവീണാധരി സരസ്വതീ
മണിവീണാധരി സരസ്വതീ

സത്യസാഗര തിരമാലകളില്‍
വിദ്യാമൃതമായ് പൊന്തിയ മോഹിനീ
വിദ്യാമൃതമായ് പൊന്തിയ മോഹിനീ (സത്യസാഗര)
സൃഷ്ടിതന്നാദിയില്‍ സ്വര്‍ഗ്ഗവേദിയില്‍
നൃത്തമദാലസയായ മനോഹരീ
നൃത്തമദാലസയായ മനോഹരീ

സപ്തസ്വരസുരസാമ്രാജ്യത്തില്‍
പട്ടമഹിഷിയായ് പാടുന്നൂ നീ
പട്ടമഹിഷിയായ് പാടുന്നൂ
മധുരരാഗസുധ പകരാനായ് നിന്‍
മണിവിപഞ്ജിക മീട്ടുന്നൂ നീ
മണിവിപഞ്ജിക മീട്ടുന്നൂ നീ

തകധിമി തകധിമി താളഗംഗതന്‍
തരംഗമേകും മൃദംഗവാദിനീ (തകധിമി)
ജ്ഞാനരൂപിണീ നാദകാരിണീ
ആദിബ്രഹ്മവരനന്ദിനി ജനനീ
ജനനീ... ജനനീ...
വാണീ വരവാണീ
മണിവീണാധരി സരസ്വതീ
മണിവീണാധരി സരസ്വതീ



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts