Last Modified: January 28 2015 06:04:39.
പ്രണയകവിതകൾ ലഹരി പകരും
പ്രമദവനികയിൽ കുളിര് നിറയും
ഹൃദയ ലതികകൾ തളിരിലുലയും
മദനശിലകളിൽ മഞ്ഞു പൊതിയും
മിഴികളും മിഴികളും ഇടയുന്ന നേരം
മൊഴികളിലോതുങ്ങില്ല ഹൃദയവികാരം
തിരകളും തിരകളും പുണരുന്ന നേരം
വിരിമണലൊരുക്കുന്നു മൃദുവികാരം
നിറയുന്നു പതയുന്നു വൈൻ ഗ്ലാസുകൾ
താനാനീ ..താനേ ..
(പ്രണയകവിതകൾ...)

ആ..ആ...
ആദവും ഹവ്വയും ഒരു കൂട്ട്
റോമിയോ ജൂലിയറ്റ് ഒരു കൂട്ട് ..ആ ..നാ .. (2)
മജ്നു ലൈലയും ഒരു കൂട്ട്
മാരന്റെ പന്തലിൽ കൊടിയേറ്റ്
പ്രണയമഴയിൽ നനയുമിണകൾ
പ്രണയമഴയിൽ നനയുമിണകൾ
പുളകമണിയും പുതിയ കഥകൾ
ഭൂമിയെ പൂകൊണ്ട് മൂടുന്ന നേരം
നീയെന്നെ പൊതിയുന്ന മധുര വസന്തം (2 )
(പ്രണയകവിതകൾ...)

മണ്ണിനും പെണ്ണിനും പതിനേഴ്‌
മാനിന്റെ കണ്ണിനും പതിനേഴ്‌ ..ആ.. (2)
മയിലിനും കുയിലിനും പതിനേഴ്‌
മനസ്സിനും പ്രായം പതിനേഴ്‌
വളകളിളകും കിളികൾ പാടും
വളകളിളകും കിളികൾ പാടും
വരനും വധുവും വലയിൽ വീഴും
മാനത്തെ വിളക്കിലെ പൊൻതിരി താഴും
മാനത്ത് പാല്‍ക്കടല്‍ പതപതഞ്ഞാടും
(പ്രണയകവിതകൾ...)