ദീപാങ്കുരം (കളിവീട് )
This page was generated on June 22, 2024, 12:04 pm UTC
വിശദവിവരങ്ങള്‍
വര്‍ഷം 1996
സംഗീതംമോഹന്‍ സിതാര
ഗാനരചനകൈതപ്രം
ഗായകര്‍പി ജയചന്ദ്രൻ ,കെ എസ് ചിത്ര
രാഗംലഭ്യമല്ല
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: February 29 2012 14:40:58.
 
ദീപാങ്കുരം പൂത്തൊരുങ്ങുമാകാശം
മേഘചന്ദനം പെയ്തൊഴിഞ്ഞു മംഗളം
സീമന്ത തന്ത്രികളിൽ സൂര്യ കുങ്കുമം ഓ..
കുളിർ മഞ്ഞിൻ കുറി ചാർത്തും
വരവീണേ വിരിമാറിൽ ശ്രുതി മീട്ടും ശുഭരാഗം
(ദീപാങ്കുരം..)

ധിം ധിനക്ക് ധിം തിനാ
ധിനക്ക് ധിനക്ക് ധിംധിന (2)
മാരിത്തൂവൽ മഞ്ഞിൻ മഴവിൽതൂവൽ
മനസ്സിൽ മെനയും കളിവീടുണ്ടേ
ആരും കാണാ മണിച്ചിറകിൻ കീഴിൽ
അണിയും തണലിൽ കുളിർ വാവുണ്ടേ
ശ്രീപദമൂന്നി നീ വന്നു കേറും വേളയിൽ
ശ്രീലമന്ത്രമോടേ ഞാൻ പൂത്തു നിന്ന രാത്രിയിൽ
ധന്യമായ് എൻ സാധകം
എന്റെ മൂക രാത്രികൾ രാഗസാന്ദ്രമാക്കി നീ
കരളിൻ നടയിൽ സ്നേഹചന്ദ്രികയായി
കാവൽ കൈത്തിരിയായി
(ദീപാങ്കുരം..)


പീലിക്കൺകൾ ചേലിൽ വാലിട്ടെഴുതി
നിറവാർ വെയിലിൻ കസവും ചാർത്തി
മാടപ്രാവായ് മെല്ലെ പിടയും നെഞ്ചിൽ
കിനിയും ഇളനീർ മധുരം നീട്ടി
ദേവകന്യ പോലെ നീ വന്നു ചേർന്ന വേളയിൽ
സ്നേഹസാന്ത്വനങ്ങളായ് ചേർന്നലിഞ്ഞ മാത്രയിൽ
ഞാനിതാ ഗന്ധർവനായ്
എന്റെ നൃത്തമണ്ഡപം ലാസ്യപൂർണ്ണമാക്കി നീ
വിരലാൽ തൊടവേ ഹൃദയം മൃദുമൃദംഗമായ്
മൂളും ജലതരംഗമായ്
(ദീപാങ്കുരം..)




malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts